Safbwynt Afonydd Cymru
Ymgymeriadau Gorfodi
Mae Ymgymeriadau Gorfodi (EUs) yn ddewis amgen i erlyn ac wedi'u cynllunio fel bod llygrydd yn talu am adfer difrod amgylcheddol y maent wedi'i achosi. Yng Nghymru, mae EUs yn cael eu goruchwylio gan Gyfoeth Naturiol Cymru (CNC) a gallant fod yn berthnasol i lygrwyr o bob sector.
Mae Polisi CNC ar EUs yn nodi, lle mae niwed amgylcheddol wedi'i achosi, y dylid cywiro'r difrod i sicrhau budd cyfatebol i'r amgylchedd a rhoi iawndal ychwanegol gan y troseddwr pan nad yw adferiad llawn yn bosibl. Mae EUs yn benodol i adfer y difrod a achoswyd gan y drosedd wreiddiol.
Felly, sefydliadau lleol sy’n gweithredu’n uniongyrchol i gyflawni gwelliannau amgylcheddol corfforol yw’r derbynwyr cymwys o EUs yng Nghymru. Mae Afonydd Cymru yn gweithredu fel sefydliad ymbarél ar lefel strategol genedlaethol. O ganlyniad, ni fyddwn yn derbyn EUs. Fodd bynnag, byddai’n briodol i ymddiriedolaethau afonydd rhanbarthol ymgymryd â’r fath waith, ac fe ddylai’r sefydliadau hynny fod â’u polisïau eu hunain ar waith.